梁冠聰：紅魔迎新球季進「宮」要諗計 - Now 體育

ayoindex.blogspot.com

【Now Sports】足球係一種好公平運動，無人會有絕對優勢，就算你係高、矮、肥或瘦，跑得慢或跑得快，都有屬於本身嘅價值，重點係，你能唔能夠喺球隊搵到貢獻自己嘅位置。英超第2周曼市雙雄終於登場，曼聯將主場出擊迎戰水晶宮，而水晶宮去年季初正正作客擊敗紅魔鬼，呢場比賽曼聯絕對唔易應付！
撰文：梁冠聰｜Now足球評述員

曼聯今夏轉會窗暫時無大手買賣球員，中後場主要收回外借門將甸軒達臣、中堅史摩寧及洛荷。領隊蘇斯克查上季主要排出4-2-3-1或3-5-2陣式，中堅位置上雖有不少人選，但一直欠缺具質素競爭。隊長哈利麥佳亞表現極穩定，毫無疑問係中堅首選，拜耶一直受到傷患困擾，連迪洛夫、菲爾鍾斯及史摩寧表現時好時壞，難以令人投下信心一票。閘位方面雲比沙卡及梳爾上季演出優異，班頓威廉斯及科素文沙擔任2人替補，不過，經驗及場上決斷力仍有待磨練。

紅魔鬼後防變動不大，前場只從阿積士簽入全能中場雲迪比增強實力。雲迪比能勝任防守中場、中場中及進攻中場，本身最大特點係無球跑動（Off Ball Movement），經常能透過跑動為自己製造進攻空間，大大提升曼聯中前場撕破嚴密防線能力。至於由馬斯亞、華舒福及美臣格連活組成嘅「MMA組合」繼續成為進攻核心，3人同樣具備速度及盤扭能力，配合般奴費蘭迪斯及雲迪比創造力，絕對能夠為對手帶來極大威脅。

水晶宮首周聯賽以1:0擊敗修咸頓，比賽過程充分展示球隊韌力及戰鬥力。領隊鶴臣征戰沙場多年，清晰知道球隊強弱之處，根據人腳主要排出4-4-2及4-3-3陣式，防守體系基本上沒有太大變動，一對中堅穩打穩紮，左右二閘適當時上前助攻。防守關鍵點在於中場位置，美利禾耶域、麥卡法及占士麥卡菲擁有攻守兼備能力，不論左右位置轉移、斜線及攔截等防務工作處理非常妥當。經常能夠堵塞中路，為防線帶來最佳保護，對手難以喺中路尋求進攻空間。

水晶宮鋒線完全依賴安祖斯唐辛、韋費特沙夏及佐敦艾耶，惟進攻板斧不多，主要以穩守突擊為比賽策略，利用唐辛及沙夏速度及個人能力製造突破及埋門機會，務求喺反擊時嘗試製造人多打人少。由於中鋒賓迪基剛剛傷癒不久，預料今仗繼續由佐敦艾耶代任正前鋒位置，這名29歲加納國腳並不善於身體對抗，經常喺中堅及閘位之間游走，等待最佳時機後上入楔，令進攻接近「無鋒陣」姿態出現。

曼聯中場普巴早前確診新冠肺炎，但如今已經康復並跟隨大隊訓練，暫時陣中有菲爾鍾斯及杜安錫比因傷未能披甲。至於水晶宮方面，後衛加利卡希爾、湯堅斯及雲安賀治繼續養傷，沙高、賓迪基及域咸已經重投訓練。論人腳及實力，曼聯喺水晶宮之上，但論狀態，踢咗首周嘅水晶宮略有優勢。

曼聯VS水晶宮
Now TV 621台20/09 00:30直播
Now TV 611台4K直播
Now E 同步直播

圖片來源 : ©AFP

Let's block ads! (Why?)

September 18, 2020 at 05:33PM
https://ift.tt/2ZSlaG3

梁冠聰：紅魔迎新球季進「宮」要諗計 - Now 體育

https://ift.tt/2BlJjLF